მთავარი
კონტაქტითბილისის საქალაქო სასამართლოს სისხლის სამართლის საქმეთა კოლეგიის მოსამართლე ზვიად ესებუა დღეს ცოტნე გამსახურდიას საქმეს განიხილავს.
როგორც "ინტერპრესნიუსს" ცოტნე გამსახურდიას ადვოკატმა მანანა კობახიძემ აცნობა, საქმე ეხება სისხლის სამართლის კოდექსის 339-ე მუხლის მეორე ნაწილით გათვალისწინებულ დანაშაულს. კერძოდ, გამსახურდიას ბრალად ედება პატიმართა და მსჯავრდებულთა სამკურნალო დაწესებულებაში ერთ-ერთი კონტროლიორისთვის ქრთამის მიცემა იმ მიზნით, რათა მისთვის მიეწოდებინათ ინფორმაცია ე.წ. ციხის საავადმყოფოში მომხდარ პატიმართა ცემის, წამების ფაქტებსა და სხვა უკანონო ქმედებებთან დაკავშირებით.
კობახიძის განცხადებით, საქმეში არაერთი დარღვევაა, საქმე გამოძიებულია თავად სასჯელაღსრულების სამინისტროს საგამოძიებო დეპარტამენტის მიერ, რაც თავისთავად გამორიცხავს ობიექტურ და მიუკერძოებელ გამოძიებას და არღვევს ადამიანის უფლებათა ევროპული კონვენციის მე-6 მუხლით დადგენილ სტანდარტებს. ადვოკატის აზრით, აშკარად იკვეთება თავად გამსახურდიას მიმართ ციხის ადმინისტრაციის მხრიდან დანაშაულის პროვოკაციის ნიშნები.
ინტერპრესნიუსი
2010